Sensus Timor-Leste ba datoluk hahu tiha ona iha loron Sabdu kalan no Domingu dader. S.E. Dr. Rui Maria Araujo hetan vizita hisi enumeradores no ofisiais husi Dirasaun Nasional Statisitika (DNS) iha ninia rezidensia Bidau. Depois fornese informasaun ba enumeradores sira, S.E. Dr. Rui apela ho mensajem ba nasaun hanesan tuir mai nee ""Atu hatoo ba populasaun tomak katak Sensus 2015 hahu ona. Hau nia familia ohin(Domingo, 12 Jullu 2015) regista ona. Lalika hakfodak, lalika tauk hodi fo informasaun hirak ne'ebe enumerador sira husu, hodi nune'e Sensu ne'e bele hetan informasaun ne'ebe kredibel, informasaun ne'ebe sufisiente hodi bele ajuda Estadu nomos Instituisoens sira seluk atu halo planu ne'ebe diak hodi prepara dezenvolvimentu ba ita nia rain."
Kontajem nebe lolos sai baze ba buat importante barak maibe dalabarak neglensia tiha ba desijaun sira foti relasiona ho asuntu politika, ekonomia no sosial nebe afeita moris loron-loron sidadaun sira nian. Liu husi sensus sei ajuda distribuisaun ba orsamentu publiku nebe hanesan-programa sira edukasaun, saude, lei no estadas aloka bazea ba populasaun.
Sentru informasaun (call center) funsiona husi oras 06 dader to 11 kalan estabelese tiha ona, dedika atu fornese informasaun ba klarifikasaun ruma nebe mak populasaun sira pesija relasiona ho pergutans, fornese asistensia sira seluk nebe relasiona ho prosesu no simu mos feedback husi kada area enumerasaun. Kualker ema rum abele kontaktu liu husi:
- TELEMOR: 76909885, 7690886, 76909887 ka
- TELKOMCEL: 73242448, 73242449, 73242450 ka
- TIMOR-TELKOM: 3311475, 3310020, 3310403
Sensus hetan suporta husi UNFPA, hamutuk ho UN Women no UNICEF.
HAMUTUK ITA BELE TOGETHER WE CAN MAKE IT!
Sensus husi Povo ba Povo; Hola Parte ba! Census from People to People: Be part of it!
